देवी वैभवाश्चर्य अष्टोत्तर शत नाम स्तोत्रम्

ധ്യാനമ് കുംകുമപംകസമാഭാ- -മംകുശപാശേക്ഷുകോദംഡശരാമ് । പംകജമധ്യനിഷണ്ണാം പംകേരുഹലോചനാം പരാം വംദേ ॥

പംചപൂജാ ലം പൃഥിവ്യാത്മികായൈ ഗംധം സമര്പയാമി । ഹം ആകാശാത്മികായൈ പുഷ്പൈഃ പൂജയാമി । യം വായ്വാത്മികായൈ ധൂപമാഘ്രാപയാമി । രം അഗ്ന്യാത്മികായൈ ദീപം ദര്ശയാമി । വം അമൃതാത്മികായൈ അമൃതം മഹാനൈവേദ്യം നിവേദയാമി । സം സർവാത്മികായൈ സർവോപചാരാന് സമര്പയാമി ॥

ഓം ഐം ഹ്രീം ശ്രീമ് । പരമാനംദലഹരീ പരചൈതന്യദീപികാ । സ്വയംപ്രകാശകിരണാ നിത്യവൈഭവശാലിനീ ॥ 1 ॥

വിശുദ്ധകേവലാഖംഡസത്യകാലാത്മരൂപിണീ । ആദിമധ്യാംതരഹിതാ മഹാമായാവിലാസിനീ ॥ 2 ॥

ഗുണത്രയപരിച്ഛേത്രീ സർവതത്ത്വപ്രകാശിനീ । സ്ത്രീപുംസഭാവരസികാ ജഗത്സര്ഗാദിലംപടാ ॥ 3 ॥

അശേഷനാമരൂപാദിഭേദച്ഛേദരവിപ്രഭാ । അനാദിവാസനാരൂപാ വാസനോദ്യത്പ്രപംചികാ ॥ 4 ॥

പ്രപംചോപശമപ്രൌഢാ ചരാചരജഗന്മയീ । സമസ്തജഗദാധാരാ സർവസംജീവനോത്സുകാ ॥ 5 ॥

ഭക്തചേതോമയാനംതസ്വാര്ഥവൈഭവവിഭ്രമാ । സർവാകര്ഷണവശ്യാദിസർവകര്മധുരംധരാ ॥ 6 ॥

വിജ്ഞാനപരമാനംദവിദ്യാ സംതാനസിദ്ധിദാ । ആയുരാരോഗ്യസൌഭാഗ്യബലശ്രീകീര്തിഭാഗ്യദാ ॥ 7 ॥

ധനധാന്യമണീവസ്ത്രഭൂഷാലേപനമാല്യദാ । ഗൃഹഗ്രാമമഹാരാജ്യസാമ്രാജ്യസുഖദായിനീ ॥ 8 ॥

സപ്താംഗശക്തിസംപൂര്ണസാർവഭൌമഫലപ്രദാ । ബ്രഹ്മവിഷ്ണുശിവേംദ്രാദിപദവിശ്രാണനക്ഷമാ ॥ 9 ॥

ഭുക്തിമുക്തിമഹാഭക്തിവിരക്ത്യദ്വൈതദായിനീ । നിഗ്രഹാനുഗ്രഹാധ്യക്ഷാ ജ്ഞാനനിര്ദ്വൈതദായിനീ ॥ 10 ॥

പരകായപ്രവേശാദിയോഗസിദ്ധിപ്രദായിനീ । ശിഷ്ടസംജീവനപ്രൌഢാ ദുഷ്ടസംഹാരസിദ്ധിദാ ॥ 11 ॥

ലീലാവിനിര്മിതാനേകകോടിബ്രഹ്മാംഡമംഡലാ । ഏകാനേകാത്മികാ നാനാരൂപിണ്യര്ധാംഗനേശ്വരീ ॥ 12 ॥

ശിവശക്തിമയീ നിത്യശൃംഗാരൈകരസപ്രിയാ । തുഷ്ടാ പുഷ്ടാഽപരിച്ഛിന്നാ നിത്യയൌവനമോഹിനീ ॥ 13 ॥

സമസ്തദേവതാരൂപാ സർവദേവാധിദേവതാ । ദേവര്ഷിപിതൃസിദ്ധാദിയോഗിനീഭൈരവാത്മികാ ॥ 14 ॥

നിധിസിദ്ധിമണീമുദ്രാ ശസ്ത്രാസ്ത്രായുധഭാസുരാ । ഛത്രചാമരവാദിത്രപതാകാവ്യജനാംചിതാ ॥ 15 ॥

ഹസ്ത്യശ്വരഥപാദാതാമാത്യസേനാസുസേവിതാ । പുരോഹിതകുലാചാര്യഗുരുശിഷ്യാദിസേവിതാ ॥ 16 ॥

സുധാസമുദ്രമധ്യോദ്യത്സുരദ്രുമനിവാസിനീ । മണിദ്വീപാംതരപ്രോദ്യത്കദംബവനവാസിനീ ॥ 17 ॥

ചിംതാമണിഗൃഹാംതഃസ്ഥാ മണിമംടപമധ്യഗാ । രത്നസിംഹാസനപ്രോദ്യച്ഛിവമംചാധിശായിനീ ॥ 18 ॥

സദാശിവമഹാലിംഗമൂലസംഘട്ടയോനികാ । അന്യോന്യാലിംഗസംഘര്ഷകംഡൂസംക്ഷുബ്ധമാനസാ ॥ 19 ॥

കളോദ്യദ്ബിംദുകാളിന്യാതുര്യനാദപരംപരാ । നാദാംതാനംദസംദോഹസ്വയംവ്യക്തവചോഽമൃതാ ॥ 20 ॥

കാമരാജമഹാതംത്രരഹസ്യാചാരദക്ഷിണാ । മകാരപംചകോദ്ഭൂതപ്രൌഢാംതോല്ലാസസുംദരീ ॥ 21 ॥

ശ്രീചക്രരാജനിലയാ ശ്രീവിദ്യാമംത്രവിഗ്രഹാ । അഖംഡസച്ചിദാനംദശിവശക്ത്യൈക്യരൂപിണീ ॥ 22 ॥

ത്രിപുരാ ത്രിപുരേശാനീ മഹാത്രിപുരസുംദരീ । ത്രിപുരാവാസരസികാ ത്രിപുരാശ്രീസ്വരൂപിണീ ॥ 23 ॥

മഹാപദ്മവനാംതസ്ഥാ ശ്രീമത്ത്രിപുരമാലിനീ । മഹാത്രിപുരസിദ്ധാംബാ ശ്രീമഹാത്രിപുരാംബികാ ॥ 24 ॥

നവചക്രക്രമാദേവീ മഹാത്രിപുരഭൈരവീ । ശ്രീമാതാ ലലിതാ ബാലാ രാജരാജേശ്വരീ ശിവാ ॥ 25 ॥

ഉത്പത്തിസ്ഥിതിസംഹാരക്രമചക്രനിവാസിനീ । അര്ധമേർവാത്മചക്രസ്ഥാ സർവലോകമഹേശ്വരീ ॥ 26 ॥

വല്മീകപുരമധ്യസ്ഥാ ജംബൂവനനിവാസിനീ । അരുണാചലശൃംഗസ്ഥാ വ്യാഘ്രാലയനിവാസിനീ ॥ 27 ॥

ശ്രീകാലഹസ്തിനിലയാ കാശീപുരനിവാസിനീ । ശ്രീമത്കൈലാസനിലയാ ദ്വാദശാംതമഹേശ്വരീ ॥ 28 ॥

ശ്രീഷോഡശാംതമധ്യസ്ഥാ സർവവേദാംതലക്ഷിതാ । ശ്രുതിസ്മൃതിപുരാണേതിഹാസാഗമകലേശ്വരീ ॥ 29 ॥

ഭൂതഭൌതികതന്മാത്രദേവതാപ്രാണഹൃന്മയീ । ജീവേശ്വരബ്രഹ്മരൂപാ ശ്രീഗുണാഢ്യാ ഗുണാത്മികാ ॥ 30 ॥

അവസ്ഥാത്രയനിര്മുക്താ വാഗ്രമോമാമഹീമയീ । ഗായത്രീഭുവനേശാനീദുര്ഗാകാള്യാദിരൂപിണീ ॥ 31 ॥

മത്സ്യകൂര്മവരാഹാദിനാനാരൂപവിലാസിനീ । മഹായോഗീശ്വരാരാധ്യാ മഹാവീരവരപ്രദാ ॥ 32 ॥

സിദ്ധേശ്വരകുലാരാധ്യാ ശ്രീമച്ചരണവൈഭവാ ॥ 33 ॥

പുനര്ധ്യാനമ് കുംകുമപംകസമാഭാ- -മംകുശപാശേക്ഷുകോദംഡശരാമ് । പംകജമധ്യനിഷണ്ണാം പംകേരുഹലോചനാം പരാം വംദേ ॥

ഇതി ശ്രീഗര്ഭകുലാര്ണവതംത്രേ ദേവീ വൈഭവാശ്ചര്യാഷ്ടോത്തരശതനാമ സ്തോത്രമ് ।

Browse Related Categories: