Vishnu · Traditional devotional text · Source: vignanam.org (Traditional devotional text (public-domain shlokas))
অজামিলো নাম মহীসুরঃ পুরা চরন্ বিভো ধর্মপথান্ গৃহাশ্রমী । গুরোর্গিরা কাননমেত্য় দৃষ্টবান্ সুধৃষ্টশীলাং কুলটাং মদাকুলাম্ ॥1॥
স্বতঃ প্রশাংতোঽপি তদাহৃতাশয়ঃ স্বধর্মমুত্সৃজ্য় তয়া সমারমন্ । অধর্মকারী দশমী ভবন্ পুন- র্দধৌ ভবন্নাময়ুতে সুতে রতিম্ ॥2॥
স মৃত্য়ুকালে যমরাজকিংকরান্ ভয়ংকরাংস্ত্রীনভিলক্ষযন্ ভিয়া । পুরা মনাক্ ত্বত্স্মৃতিবাসনাবলাত্ জুহাব নারাযণনামকং সুতম্ ॥3॥
দুরাশযস্য়াপি তদাত্বনির্গত- ত্বদীযনামাক্ষরমাত্রবৈভবাত্ । পুরোঽভিপেতুর্ভবদীযপার্ষদাঃ চতুর্ভুজাঃ পীতপটা মনোরমাঃ ॥4॥
অমুং চ সংপাশ্য় বিকর্ষতো ভটান্ বিমুংচতেত্য়ারুরুধুর্বলাদমী । নিবারিতাস্তে চ ভবজ্জনৈস্তদা তদীযপাপং নিখিলং ন্যবেদযন্ ॥5॥
ভবংতু পাপানি কথং তু নিষ্কৃতে কৃতেঽপি ভো দংডনমস্তি পংডিতাঃ । ন নিষ্কৃতিঃ কিং বিদিতা ভবাদৃশা- মিতি প্রভো ত্বত্পুরুষা বভাষিরে ॥6॥
শ্রুতিস্মৃতিভ্য়াং বিহিতা ব্রতাদয়ঃ পুনংতি পাপং ন লুনংতি বাসনাম্ । অনংতসেবা তু নিকৃংততি দ্বয়ী- মিতি প্রভো ত্বত্পুরুষা বভাষিরে ॥7॥
অনেন ভো জন্মসহস্রকোটিভিঃ কৃতেষু পাপেষ্বপি নিষ্কৃতিঃ কৃতা । যদগ্রহীন্নাম ভয়াকুলো হরে- রিতি প্রভো ত্বত্পুরুষা বভাষিরে ॥8॥
Offered for worship and study, not as prediction. Non-commercial.
More devotional texts
নৃণামবুদ্ধ্য়াপি মুকুংদকীর্তনং দহত্যঘৌঘান্ মহিমাস্য় তাদৃশঃ । যথাগ্নিরেধাংসি যথৌষধং গদা - নিতি প্রভো ত্বত্পুরুষা বভাষিরে ॥9॥
ইতীরিতৈর্য়াম্যভটৈরপাসৃতে ভবদ্ভটানাং চ গণে তিরোহিতে । ভবত্স্মৃতিং কংচন কালমাচরন্ ভবত্পদং প্রাপি ভবদ্ভটৈরসৌ ॥10॥
স্বকিংকরাবেদনশংকিতো যম- স্ত্বদংঘ্রিভক্তেষু ন গম্যতামিতি । স্বকীযভৃত্য়ানশিশিক্ষদুচ্চকৈঃ স দেব বাতালযনাথ পাহি মাম্ ॥11॥
Browse Related Categories: