Vishnu · Traditional devotional text · Source: vignanam.org (Traditional devotional text (public-domain shlokas))
মুদা সুরৌঘৈস্ত্বমুদারসম্মদৈ- রুদীর্য় দামোদর ইত্যভিষ্টুতঃ । মৃদুদরঃ স্বৈরমুলূখলে লগ- ন্নদূরতো দ্বৌ ককুভাবুদৈক্ষথাঃ ॥1॥
কুবেরসূনুর্নলকূবরাভিধঃ পরো মণিগ্রীব ইতি প্রথাং গতঃ । মহেশসেবাধিগতশ্রিয়োন্মদৌ চিরং কিল ত্বদ্বিমুখাবখেলতাম্ ॥2॥
Offered for worship and study, not as prediction. Non-commercial.
More devotional texts
সুরাপগায়াং কিল তৌ মদোত্কটৌ সুরাপগাযদ্বহুয়ৌবতাবৃতৌ । বিবাসসৌ কেলিপরৌ স নারদো ভবত্পদৈকপ্রবণো নিরৈক্ষত ॥3॥
ভিয়া প্রিয়ালোকমুপাত্তবাসসং পুরো নিরীক্ষ্য়াপি মদাংধচেতসৌ । ইমৌ ভবদ্ভক্ত্য়ুপশাংতিসিদ্ধয়ে মুনির্জগৌ শাংতিমৃতে কুতঃ সুখম্ ॥4॥
যুবামবাপ্তৌ ককুভাত্মতাং চিরং হরিং নিরীক্ষ্য়াথ পদং স্বমাপ্নুতম্ । ইতীরেতৌ তৌ ভবদীক্ষণস্পৃহাং গতৌ ব্রজাংতে ককুভৌ বভূবতুঃ ॥5॥
অতংদ্রমিংদ্রদ্রুয়ুগং তথাবিধং সমেয়ুষা মংথরগামিনা ত্বয়া । তিরায়িতোলূখলরোধনির্ধুতৌ চিরায় জীর্ণৌ পরিপাতিতৌ তরূ ॥6॥
অভাজি শাখিদ্বিতয়ং যদা ত্বয়া তদৈব তদ্গর্ভতলান্নিরেয়ুষা । মহাত্বিষা যক্ষয়ুগেন তত্ক্ষণা- দভাজি গোবিংদ ভবানপি স্তবৈঃ ॥7॥
ইহান্যভক্তোঽপি সমেষ্যতি ক্রমাত্ ভবংতমেতৌ খলু রুদ্রসেবকৌ । মুনিপ্রসাদাদ্ভব্দংঘ্রিমাগতৌ গতৌ বৃণানৌ খলু ভক্তিমুত্তমাম্ ॥8॥
ততস্তরূদ্দারণদারুণারব- প্রকংপিসংপাতিনি গোপমংডলে । বিলজ্জিতত্বজ্জননীমুখেক্ষিণা ব্যমোক্ষি নংদেন ভবান্ বিমোক্ষদঃ ॥9॥
মহীরুহোর্মধ্যগতো বতার্ভকো হরেঃ প্রভাবাদপরিক্ষতোঽধুনা । ইতি ব্রুবাণৈর্গমিতো গৃহং ভবান্ মরুত্পুরাধীশ্বর পাহি মাং গদাত্ ॥10॥
Browse Related Categories: