नारायणीयं दशक 79 - रुक्मिणीहरणं विवाहं च

ಬಲಸಮೇತಬಲಾನುಗತೋ ಭವಾನ್ ಪುರಮಗಾಹತ ಭೀಷ್ಮಕಮಾನಿತಃ । ದ್ವಿಜಸುತಂ ತ್ವದುಪಾಗಮವಾದಿನಂ ಧೃತರಸಾ ತರಸಾ ಪ್ರಣನಾಮ ಸಾ ॥1॥

ಭುವನಕಾಂತಮವೇಕ್ಷ್ಯ ಭವದ್ವಪುರ್ನೃಪಸುತಸ್ಯ ನಿಶಮ್ಯ ಚ ಚೇಷ್ಟಿತಮ್ । ವಿಪುಲಖೇದಜುಷಾಂ ಪುರವಾಸಿನಾಂ ಸರುದಿತೈರುದಿತೈರಗಮನ್ನಿಶಾ ॥2॥

ತದನು ವಂದಿತುಮಿಂದುಮುಖೀ ಶಿವಾಂ ವಿಹಿತಮಂಗಲಭೂಷಣಭಾಸುರಾ । ನಿರಗಮತ್ ಭವದರ್ಪಿತಜೀವಿತಾ ಸ್ವಪುರತಃ ಪುರತಃ ಸುಭಟಾವೃತಾ ॥3॥

ಕುಲವಧೂಭಿರುಪೇತ್ಯ ಕುಮಾರಿಕಾ ಗಿರಿಸುತಾಂ ಪರಿಪೂಜ್ಯ ಚ ಸಾದರಮ್ । ಮುಹುರಯಾಚತ ತತ್ಪದಪಂಕಜೇ ನಿಪತಿತಾ ಪತಿತಾಂ ತವ ಕೇವಲಮ್ ॥4॥

ಸಮವಲೋಕಕುತೂಹಲಸಂಕುಲೇ ನೃಪಕುಲೇ ನಿಭೃತಂ ತ್ವಯಿ ಚ ಸ್ಥಿತೇ । ನೃಪಸುತಾ ನಿರಗಾದ್ಗಿರಿಜಾಲಯಾತ್ ಸುರುಚಿರಂ ರುಚಿರಂಜಿತದಿಙ್ಮುಖಾ ॥5॥

ಭುವನಮೋಹನರೂಪರುಚಾ ತದಾ ವಿವಶಿತಾಖಿಲರಾಜಕದಂಬಯಾ । ತ್ವಮಪಿ ದೇವ ಕಟಾಕ್ಷವಿಮೋಕ್ಷಣೈಃ ಪ್ರಮದಯಾ ಮದಯಾಂಚಕೃಷೇ ಮನಾಕ್ ॥6॥

ಕ್ವನು ಗಮಿಷ್ಯಸಿ ಚಂದ್ರಮುಖೀತಿ ತಾಂ ಸರಸಮೇತ್ಯ ಕರೇಣ ಹರನ್ ಕ್ಷಣಾತ್ । ಸಮಧಿರೋಪ್ಯ ರಥಂ ತ್ವಮಪಾಹೃಥಾ ಭುವಿ ತತೋ ವಿತತೋ ನಿನದೋ ದ್ವಿಷಾಮ್ ॥7॥

ಕ್ವ ನು ಗತಃ ಪಶುಪಾಲ ಇತಿ ಕ್ರುಧಾ ಕೃತರಣಾ ಯದುಭಿಶ್ಚ ಜಿತಾ ನೃಪಾಃ । ನ ತು ಭವಾನುದಚಾಲ್ಯತ ತೈರಹೋ ಪಿಶುನಕೈಃ ಶುನಕೈರಿವ ಕೇಸರೀ ॥8॥