निर्वाण दशकं

न भूमिर्न तोयं न तेजो न वायुः न खं नेंद्रियं वा न तेषां समूहः अनेकांतिकत्वात्सुषुप्त्येकसिद्धः तदेकोऽवशिष्टः शिवः केवलोऽहम् ॥ 1 ॥

न वर्णा न वर्णाश्रमाचारधर्मा न मे धारणाध्यानयोगादयोपि अनात्माश्रयाहं ममाध्यासहाना- तदेकोऽवशिष्टः शिवः केवलोऽहम् ॥ 2 ॥

न माता पिता वा न देवा न लोका न वेदा न यज्ञा न तीर्थ ब्रुवंति सुषुप्तौ निरस्तातिशून्यात्मकत्वा- तदेकोऽवशिष्टः शिवः केवलोऽहम् ॥ 3 ॥

न सांख्यं न शैवं न तत्पांचरात्रं न जैनं न मीमांसकादेर्मतं वा विशिष्टानुभूत्या विशुद्धात्मकत्वा- तदेकोऽवशिष्टः शिवः केवलोऽहम् ॥ 4 ॥

न चोर्ध्वं न चाधो न चांतर्न बाह्यं न मध्यं न तिर्यन्न पूर्वाऽपरा दिक् वियद्व्यापकत्वादखंडैकरूपः तदेकोऽवशिष्टः शिवः केवलोऽहम् ॥ 5 ॥

न शुक्लं न कृष्णं न रक्तं न पीतं न कुब्जं न पीनं न ह्रस्वं न दीर्घं अरूपं तथा ज्योतिराकारकत्वा- तदेकोऽवशिष्टः शिवः केवलोऽहम् ॥ 6 ॥

न शास्ता न शास्त्रं न शिष्यो न शिक्षा न च त्वं न चाहं न चायं प्रपंचः स्वरूपावबोधी विकल्पासहिष्णुः तदेकोऽवशिष्टः शिवः केवलोऽहम् ॥ 7 ॥

न जाग्रन्न मे स्वप्नको वा सुषुप्तिः न विश्वो न वा तैजसः पाज्ञको वा अविद्यात्मकत्वात्त्रयाणं तुरीयः तदेकोऽवशिष्टः शिवः केवलोऽहम् ॥ 8 ॥