Devi · Traditional devotional text · Source: vignanam.org (Traditional devotional text (public-domain shlokas))
sarasvatī mahābhadrā mahāmāyā varapradā । śrīpradā padmanilayā padmākṣī padmavaktrikā ॥ 1 ॥
śivānujā pustakahastā jñānamudrā ramā cha vai । kāmarūpā mahāvidyā mahāpātakanāśinī ॥ 2 ॥
Offered for worship and study, not as prediction. Non-commercial.
mahāśrayā mālinī cha mahābhōgā mahābhujā । mahābhāgā mahōtsāhā divyāṅgā suravanditā ॥ 3 ॥
mahākāḻī mahāpāśā mahākārā mahāṅkuśā । sītā cha vimalā viśvā vidyunmālā cha vaiṣṇavī ॥ 4 ॥
chandrikā chandralēkhāvibhūṣitā cha mahāphalā । sāvitrī surasādēvī divyālaṅkārabhūṣitā ॥ 5 ॥
vāgdēvī vasudhā tīvrā mahābhadrā cha bhōgadā । gōvindā bhāratī bhāmā gōmatī jaṭilā tathā ॥ 6 ॥
vindhyavāsā chaṇḍikā cha subhadrā surapūjitā । vinidrā vaiṣṇavī brāhmī brahmajñānaikasādhanā ॥ 7 ॥
saudāminī sudhāmūrti ssuvīṇā cha suvāsinī । vidyārūpā brahmajāyā viśālā padmalōchanā ॥ 8 ॥
śumbhāsurapramathinī dūmralōchanamardanā । sarvātmikā trayīmūrti śśubhadā śāstrarūpiṇī ॥ 9 ॥
sarvadēvastutā saumyā surāsuranamaskṛtā । raktabījanihantrī cha chāmuṇḍā muṇḍakāmbikā ॥ 10 ।
kāḻarātriḥ praharaṇā kaḻādhārā nirañjanā । varārōhā cha vāgdēvī vārāhī vārijāsanā ॥ 11 ॥
chitrāmbarā chitragandhā chitramālyavibhūṣitā । kāntā kāmapradā vandyā rūpasaubhāgyadāyinī ॥ 12 ॥
śvētāsanā raktamadhyā dvibhujā surapūjitā । nirañjanā nīlajaṅghā chaturvargaphalapradā ॥ 13 ॥
chaturānanasāmrājñī brahmaviṣṇuśivātmikā । haṃsānanā mahāvidyā mantravidyā sarasvatī ॥ 14 ॥
mahāsarasvatī tantravidyā jñānaikatatparā ।
iti śrī sarasvatyaṣṭōttaraśatanāmastōtraṃ sampūrṇam ॥
Browse Related Categories: