Devi · Traditional devotional text · Source: vignanam.org (Traditional devotional text (public-domain shlokas))
ശ്രീ ശിവ ഉവാച
കഥിതോഽയം മഹാമംത്രഃ സർവമംത്രോത്തമോത്തമഃ । യാമാസാദ്യ മയാ പ്രാപ്തമൈശ്വര്യപദമുത്തമമ് ॥ 1
സംയുക്തഃ പരയാ ഭക്ത്യാ യഥോക്ത വിധിനാ ഭവാന് । കുരുതാമര്ചനം ദേവ്യാസ്ത്രൈലോക്യവിജിഗീഷയാ ॥ 2 ॥
ശ്രീപരശുരാമ ഉവാച
പ്രസന്നോ യദി മേ ദേവ പരമേശ പുരാതന । രഹസ്യം പരമം ദേവ്യാഃ കൃപയാ കഥയ പ്രഭോ ॥ 3
വിനാര്ചനം വിനാ ഹോമം വിനാ ന്യാസം വിനാ ബലിമ് । വിനാ ഗംധം വിനാ പുഷ്പം വിനാ നിത്യോദിതാം ക്രിയാമ് ॥ 4 ॥
പ്രാണായാമം വിനാ ധ്യാനം വിനാ ഭൂതവിശോധനമ് । വിനാ ദാനം വിനാ ജാപം യേന കാളീ പ്രസീദതി ॥ 5 ॥
ശ്രീ ശിവ ഉവാച
പൃഷ്ടം ത്വയോത്തമം പ്രാജ്ഞ ഭൃഗുവംശ സമുദ്ഭവ । ഭക്താനാമപി ഭക്തോഽസി ത്വമേവ സാധയിഷ്യസി ॥ 6
ദേവീം ദാനവകോടിഘ്നീം ലീലയാ രുധിരപ്രിയാമ് । സദാ സ്തോത്രപ്രിയാമുഗ്രാം കാമകൌതുകലാലസാമ് ॥ 7 ॥
സർവദാഽഽനംദഹൃദയാമാസവോത്സവ മാനസാമ് । മാധ്വീക മത്സ്യമാംസാനുരാഗിണീം വൈഷ്ണവീം പരാമ് ॥ 8 ॥
Offered for worship and study, not as prediction. Non-commercial.
ശ്മശാനവാസിനീം പ്രേതഗണനൃത്യമഹോത്സവാമ് । യോഗപ്രഭാവാം യോഗേശീം യോഗീംദ്രഹൃദയസ്ഥിതാമ് ॥ 9 ॥
താമുഗ്രകാളികാം രാമ പ്രസീദയിതുമര്ഹസി । തസ്യാഃ സ്തോത്രം പരം പുണ്യം സ്വയം കാള്യാ പ്രകാശിതമ് ॥ 10 ॥
തവ തത് കഥയിഷ്യാമി ശ്രുത്വാ വത്സാവധാരയ । ഗോപനീയം പ്രയത്നേന പഠനീയം പരാത്പരമ് ॥ 11 ॥
യസ്യൈകകാലപഠനാത് സർവേ വിഘ്നാഃ സമാകുലാഃ । നശ്യംതി ദഹനേ ദീപ്തേ പതംഗാ ഇവ സർവതഃ ॥ 12 ॥
ഗദ്യപദ്യമയീ വാണീ തസ്യ ഗംഗാപ്രവാഹവത് । തസ്യ ദര്ശനമാത്രേണ വാദിനോ നിഷ്പ്രഭാം ഗതാഃ ॥ 13 ॥
തസ്യ ഹസ്തേ സദൈവാസ്തി സർവസിദ്ധിര്ന സംശയഃ । രാജാനോഽപി ച ദാസത്വം ഭജംതേ കിം പരേ ജനാഃ ॥ 14 ॥
നിശീഥേ മുക്തകേശസ്തു നഗ്നഃ ശക്തിസമാഹിതഃ । മനസാ ചിംതയേത് കാളീം മഹാകാളേന ചാലിതാമ് ॥ 15 ॥
പഠേത് സഹസ്രനാമാഖ്യം സ്തോത്രം മോക്ഷസ്യ സാധനമ് । പ്രസന്നാ കാളികാ തസ്യ പുത്രത്വേനാനുകംപതേ ॥ 16 ॥
യഥാ ബ്രഹ്മമൃതൈര്ബ്രഹ്മകുസുമൈഃ പൂജിതാ പരാ । പ്രസീദതി തഥാനേന സ്തുതാ കാളീ പ്രസീദതി ॥ 17 ॥
വിനിയോഗഃ – അസ്യ ശ്രീ ദക്ഷിണകാലികാ സഹസ്രനാമ സ്തോത്രസ്യ മഹാകാലഭൈരവ ഋഷിഃ അനുഷ്ടുപ് ഛംദഃ ശ്മശാനകാളീ ദേവതാ ധര്മാര്ഥകാമമോക്ഷാര്ഥേ പാഠേ വിനിയോഗഃ ।
ധ്യാനമ് – ശവാരൂഢാം മഹാഭീമാം ഘോരദംഷ്ട്രാം ഹസന്മുഖീം ചതുര്ഭുജാം ഖഡ്ഗമുംഡവരാഭയകരാം ശിവാമ് । മുംഡമാലാധരാം ദേവീം ലലാജ്ജിഹ്വാം ദിഗംബരാം ഏവം സംചിംതയേത്കാളീം ശ്മശാനാലയവാസിനീമ് ॥
സ്തോത്രമ് – ശ്മശാനകാളികാ കാളീ ഭദ്രകാളീ കപാലിനീ । ഗുഹ്യകാളീ മഹാകാളീ കുരുകുല്ലാ വിരോധിനീ ॥ 1 ॥
കാളികാ കാളരാത്രിശ്ച മഹാകാലനിതംബിനീ । കാലഭൈരവഭാര്യാ ച കുലവര്ത്മപ്രകാശിനീ ॥ 2 ॥
കാമദാ കാമിനീ കന്യാ കമനീയസ്വരൂപിണീ । കസ്തൂരീരസലിപ്താംഗീ കുംജരേശ്വരഗാമിനീ ॥ 3 ॥
കകാരവര്ണസർവാംഗീ കാമിനീ കാമസുംദരീ । കാമാര്താ കാമരൂപാ ച കാമധേനുഃ കളാവതീ ॥ 4 ॥
കാംതാ കാമസ്വരൂപാ ച കാമാഖ്യാ കുലകാമിനീ । കുലീനാ കുലവത്യംബാ ദുര്ഗാ ദുര്ഗതിനാശിനീ ॥ 5 ॥
കൌമാരീ കലജാ കൃഷ്ണാ കൃഷ്ണദേഹാ കൃശോദരീ । കൃശാംഗീ കുലിശാംഗീ ച ക്രീംകാരീ കമലാ കലാ ॥ 6 ॥
കരാളാസ്യാ കരാളീ ച കുലകാംതാഽപരാജിതാ । ഉഗ്രാ ഉഗ്രപ്രഭാ ദീപ്താ വിപ്രചിത്താ മഹാബലാ ॥ 7 ॥
നീലാ ഘനാ മേഘനാദാ മാത്രാ മുദ്രാ മിതാമിതാ । ബ്രാഹ്മീ നാരായണീ ഭദ്രാ സുഭദ്രാ ഭക്തവത്സലാ ॥ 8 ॥
മാഹേശ്വരീ ച ചാമുംഡാ വാരാഹീ നാരസിംഹികാ । വജ്രാംഗീ വജ്രകംകാളീ നൃമുംഡസ്രഗ്വിണീ ശിവാ ॥ 9 ॥
മാലിനീ നരമുംഡാലീ ഗലദ്രക്തവിഭൂഷണാ । രക്തചംദനസിക്താംഗീ സിംദൂരാരുണമസ്തകാ ॥ 10 ॥
ഘോരരൂപാ ഘോരദംഷ്ട്രാ ഘോരാഘോരതരാ ശുഭാ । മഹാദംഷ്ട്രാ മഹാമായാ സുദതീ യുഗദംതുരാ ॥ 11 ॥
സുലോചനാ വിരൂപാക്ഷീ വിശാലാക്ഷീ ത്രിലോചനാ । ശാരദേംദുപ്രസന്നാസ്യാ സ്ഫുരത്സ്മേരാംബുജേക്ഷണാ ॥ 12 ॥
അട്ടഹാസപ്രഫുല്ലാസ്യാ സ്മേരവക്ത്രാ സുഭാഷിണീ । പ്രഫുല്ലപദ്മവദനാ സ്മിതാസ്യാ പ്രിയഭാഷിണീ ॥ 13 ॥
കോടരാക്ഷീ കുലശ്രേഷ്ഠാ മഹതീ ബഹുഭാഷിണീ । സുമതിഃ കുമതിശ്ചംഡാ ചംഡമുംഡാതിവേഗിനീ ॥ 14 ॥
സുകേശീ മുക്തകേശീ ച ദീര്ഘകേശീ മഹാകചാ । പ്രേതദേഹാകര്ണപൂരാ പ്രേതപാണിസുമേഖലാ ॥ 15 ॥
പ്രേതാസനാ പ്രിയപ്രേതാ പുണ്യദാ കുലപംഡിതാ । പുണ്യാലയാ പുണ്യദേഹാ പുണ്യശ്ലോകാ ച പാവനീ ॥ 16 ॥
പൂതാ പവിത്രാ പരമാ പരാ പുണ്യവിഭൂഷണാ । പുണ്യനാമ്നീ ഭീതിഹരാ വരദാ ഖഡ്ഗപാണിനീ ॥ 17 ॥
നൃമുംഡഹസ്താ ശാംതാ ച ഛിന്നമസ്താ സുനാസികാ । ദക്ഷിണാ ശ്യാമലാ ശ്യാമാ ശാംതാ പീനോന്നതസ്തനീ ॥ 18 ॥
ദിഗംബരാ ഘോരരാവാ സൃക്കാംതരക്തവാഹിനീ । ഘോരരാവാ ശിവാസംഗാ നിഃസംഗാ മദനാതുരാ ॥ 19 ॥
മത്താ പ്രമത്താ മദനാ സുധാസിംധുനിവാസിനീ । അതിമത്താ മഹാമത്താ സർവാകര്ഷണകാരിണീ ॥ 20 ॥
ഗീതപ്രിയാ വാദ്യരതാ പ്രേതനൃത്യപരായണാ । ചതുര്ഭുജാ ദശഭുജാ അഷ്ടാദശഭുജാ തഥാ ॥ 21 ॥
കാത്യായനീ ജഗന്മാതാ ജഗതീ പരമേശ്വരീ । ജഗദ്ബംധുര്ജഗദ്ധാത്രീ ജഗദാനംദകാരിണീ ॥ 22 ॥
ജഗജ്ജീവവതീ ഹൈമവതീ മായാ മഹാലയാ । നാഗയജ്ഞോപവീതാംഗീ നാഗിനീ നാഗശായിനീ ॥ 23 ॥
നാഗകന്യാ ദേവകന്യാ ഗാംധാരീ കിന്നരീ സുരീ । മോഹരാത്രീ മഹാരാത്രീ ദാരുണാമാസുരാസുരീ ॥ 24 ॥
വിദ്യാധരീ വസുമതീ യക്ഷിണീ യോഗിനീ ജരാ । രാക്ഷസീ ഡാകിനീ വേദമയീ വേദവിഭൂഷണാ ॥ 25 ॥
ശ്രുതിസ്മൃതിമഹാവിദ്യാ ഗുഹ്യവിദ്യാ പുരാതനീ । ചിംത്യാഽചിംത്യാ സ്വധാ സ്വാഹാ നിദ്രാ തംദ്രാ ച പാർവതീ ॥ 26 ॥
അപര്ണാ നിശ്ചലാ ലോലാ സർവവിദ്യാ തപസ്വിനീ । ഗംഗാ കാശീ ശചീ സീതാ സതീ സത്യപരായണാ ॥ 27 ॥
നീതിഃ സുനീതിഃ സുരുചിസ്തുഷ്ടിഃ പുഷ്ടിര്ധൃതിഃ ക്ഷമാ । വാണീ ബുദ്ധിര്മഹാലക്ഷ്മീ ലക്ഷ്മീര്നീലസരസ്വതീ ॥ 28 ॥
സ്രോതസ്വതീ സ്രോതവതീ മാതംഗീ വിജയാ ജയാ । നദീ സിംധുഃ സർവമയീ താരാ ശൂന്യനിവാസിനീ ॥ 29 ॥
ശുദ്ധാ തരംഗിണീ മേധാ ലാകിനീ ബഹുരൂപിണീ । സദാനംദമയീ സത്യാ സർവാനംദസ്വരൂപിണീ ॥ 30 ॥
സുനംദാ നംദിനീ സ്തുത്യാ സ്തവനീയാ സ്വഭാവിനീ । രംകിണീ ടംകിണീ ചിത്രാ വിചിത്രാ ചിത്രരൂപിണീ ॥ 31 ॥
പദ്മാ പദ്മാലയാ പദ്മസുഖീ പദ്മവിഭൂഷണാ । ശാകിനീ ഹാകിനീ ക്ഷാംതാ രാകിണീ രുധിരപ്രിയാ ॥ 32 ॥
ഭ്രാംതിര്ഭവാനീ രുദ്രാണീ മൃഡാനീ ശത്രുമര്ദിനീ । ഉപേംദ്രാണീ മഹേശാനീ ജ്യോത്സ്നാ ചേംദ്രസ്വരൂപിണീ ॥ 33 ॥
സൂര്യാത്മികാ രുദ്രപത്നീ രൌദ്രീ സ്ത്രീ പ്രകൃതിഃ പുമാന് । ശക്തിഃ സൂക്തിര്മതിമതീ ഭുക്തിര്മുക്തിഃ പതിവ്രതാ ॥ 34 ॥
സർവേശ്വരീ സർവമാതാ ശർവാണീ ഹരവല്ലഭാ । സർവജ്ഞാ സിദ്ധിദാ സിദ്ധാ ഭാവ്യാ ഭവ്യാ ഭയാപഹാ ॥ 35 ॥
കര്ത്രീ ഹര്ത്രീ പാലയിത്രീ ശർവരീ താമസീ ദയാ । തമിസ്രാ യാമിനീസ്ഥാ ച സ്ഥിരാ ധീരാ തപസ്വിനീ ॥ 36 ॥
ചാർവംഗീ ചംചലാ ലോലജിഹ്വാ ചാരുചരിത്രിണീ । ത്രപാ ത്രപാവതീ ലജ്ജാ നിര്ലജ്ജാ ഹ്രീം രജോവതീ ॥ 37 ॥
സത്ത്വവതീ ധര്മനിഷ്ഠാ ശ്രേഷ്ഠാ നിഷ്ഠുരവാദിനീ । ഗരിഷ്ഠാ ദുഷ്ടസംഹര്ത്രീ വിശിഷ്ടാ ശ്രേയസീ ഘൃണാ ॥ 38 ॥
ഭീമാ ഭയാനകാ ഭീമനാദിനീ ഭീഃ പ്രഭാവതീ । വാഗീശ്വരീ ശ്രീര്യമുനാ യജ്ഞകര്ത്രീ യജുഃപ്രിയാ ॥ 39 ॥
ഋക്സാമാഥർവനിലയാ രാഗിണീ ശോഭനസ്വരാ । കലകംഠീ കംബുകംഠീ വേണുവീണാപരായണാ ॥ 40 ॥
വംശിനീ വൈഷ്ണവീ സ്വച്ഛാ ധാത്രീ ത്രിജഗദീശ്വരീ । മധുമതീ കുംഡലിനീ ഋദ്ധിഃ സിദ്ധിഃ ശുചിസ്മിതാ ॥ 41 ॥
രംഭോർവശീ രതീ രാമാ രോഹിണീ രേവതീ രമാ । ശംഖിനീ ചക്രിണീ കൃഷ്ണാ ഗദിനീ പദ്മിനീ തഥാ ॥ 42 ॥
ശൂലിനീ പരിഘാസ്ത്രാ ച പാശിനീ ശാര്ങ്ഗപാണിനീ । പിനാകധാരിണീ ധൂമ്രാ ശരഭീ വനമാലിനീ ॥ 43 ॥
വജ്രിണീ സമരപ്രീതാ വേഗിനീ രണപംഡിതാ । ജടിനീ ബിംബിനീ നീലാ ലാവണ്യാംബുധിചംദ്രികാ ॥ 44 ॥
ബലിപ്രിയാ സദാപൂജ്യാ പൂര്ണാ ദൈത്യേംദ്രമാഥിനീ । മഹിഷാസുരസംഹംത്രീ വാസിനീ രക്തദംതികാ ॥ 45 ॥
രക്തപാ രുധിരാക്താംഗീ രക്തഖര്പരഹസ്തിനീ । രക്തപ്രിയാ മാംസരുചിർവാസവാസക്തമാനസാ ॥ 46 ॥
ഗലച്ഛോണിതമുംഡാലികംഠമാലാവിഭൂഷണാ । ശവാസനാ ചിതാംതസ്ഥാ മാഹേശീ വൃഷവാഹിനീ ॥ 47 ॥
വ്യാഘ്രത്വഗംബരാ ചീനചേലിനീ സിംഹവാഹിനീ । വാമദേവീ മഹാദേവീ ഗൌരീ സർവജ്ഞഭാവിനീ ॥ 48 ॥
ബാലികാ തരുണീ വൃദ്ധാ വൃദ്ധമാതാ ജരാതുരാ । സുഭ്രുർവിലാസിനീ ബ്രഹ്മവാദിനീ ബ്രാഹ്മണീ മഹീ ॥ 49 ॥
സ്വപ്നവതീ ചിത്രലേഖാ ലോപാമുദ്രാ സുരേശ്വരീ । അമോഘാഽരുംധതീ തീക്ഷ്ണാ ഭോഗവത്യനുവാദിനീ ॥ 50 ॥
മംദാകിനീ മംദഹാസാ ജ്വാലാമുഖ്യസുരാംതകാ । മാനദാ മാനിനീ മാന്യാ മാനനീയാ മദോദ്ധതാ ॥ 51 ॥
മദിരാ മദിരാന്മാദാ മേധ്യാ നവ്യാ പ്രസാദിനീ । സുമധ്യാഽനംതഗുണിനീ സർവലോകോത്തമോത്തമാ ॥ 52 ॥
ജയദാ ജിത്വരാ ജൈത്രീ ജയശ്രീര്ജയശാലിനീ । സുഖദാ ശുഭദാ സത്യാ സഭാസംക്ഷോഭകാരിണീ ॥ 53 ॥
ശിവദൂതീ ഭൂതിമതീ വിഭൂതിര്ഭീഷണാനനാ । കൌമാരീ കുലജാ കുംതീ കുലസ്ത്രീ കുലപാലികാ ॥ 54 ॥
കീര്തിര്യശസ്വിനീ ഭൂഷാ ഭൂഷ്യാ ഭൂതപതിപ്രിയാ । സഗുണാ നിര്ഗുണാ ധൃഷ്ടാ നിഷ്ഠാ കാഷ്ഠാ പ്രതിഷ്ഠിതാ ॥ 55 ॥
ധനിഷ്ഠാ ധനദാ ധന്യാ വസുധാ സ്വപ്രകാശിനീ । ഉർവീ ഗുർവീ ഗുരുശ്രേഷ്ഠാ സഗുണാ ത്രിഗുണാത്മികാ ॥ 56 ॥
മഹാകുലീനാ നിഷ്കാമാ സകാമാ കാമജീവനാ । കാമദേവകലാ രാമാഽഭിരാമാ ശിവനര്തകീ ॥ 57 ॥
ചിംതാമണിഃ കല്പലതാ ജാഗ്രതീ ദീനവത്സലാ । കാര്തികീ കീര്തികാ കൃത്യാ അയോധ്യാ വിഷമാ സമാ ॥ 58 ॥
സുമംത്രാ മംത്രിണീ ഘൂര്ണാ ഹ്ലാദിനീ ക്ലേശനാശിനീ । ത്രൈലോക്യജനനീ ഹൃഷ്ടാ നിര്മാംസാ മനോരൂപിണീ ॥ 59 ॥
തഡാഗനിമ്നജഠരാ ശുഷ്കമാംസാസ്ഥിമാലിനീ । അവംതീ മഥുരാ മായാ ത്രൈലോക്യപാവനീശ്വരീ ॥ 60 ॥
വ്യക്താഽവ്യക്താഽനേകമൂര്തിഃ ശർവരീ ഭീമനാദിനീ । ക്ഷേമംകരീ ശംകരീ ച സർവസമ്മോഹകാരിണീ ॥ 61 ॥
ഊര്ധ്വതേജസ്വിനീ ക്ലിന്നാ മഹാതേജസ്വിനീ തഥാ । അദ്വൈതാ ഭോഗിനീ പൂജ്യാ യുവതീ സർവമംഗളാ ॥ 62 ॥
സർവപ്രിയംകരീ ഭോഗ്യാ ധരണീ പിശിതാശനാ । ഭയംകരീ പാപഹരാ നിഷ്കളംകാ വശംകരീ ॥ 63 ॥
ആശാ തൃഷ്ണാ ചംദ്രകലാ നിദ്രാന്യാ വായുവേഗിനീ । സഹസ്രസൂര്യസംകാശാ ചംദ്രകോടിസമപ്രഭാ ॥ 64 ॥
വഹ്നിമംഡലസംസ്ഥാ ച സർവതത്ത്വപ്രതിഷ്ഠിതാ । സർവാചാരവതീ സർവദേവകന്യാധിദേവതാ ॥ 65 ॥
ദക്ഷകന്യാ ദക്ഷയജ്ഞനാശിനീ ദുര്ഗതാരികാ । ഇജ്യാ പൂജ്യാ വിഭാ ഭൂതിഃ സത്കീര്തിര്ബ്രഹ്മരൂപിണീ ॥ 66 ॥
രംഭോരുശ്ചതുരാ രാകാ ജയംതീ കരുണാ കുഹുഃ । മനസ്വിനീ ദേവമാതാ യശസ്യാ ബ്രഹ്മചാരിണീ ॥ 67 ॥
ഋദ്ധിദാ വൃദ്ധിദാ വൃദ്ധിഃ സർവാദ്യാ സർവദായിനീ । ആധാരരൂപിണീ ധ്യേയാ മൂലാധാരനിവാസിനീ ॥ 68 ॥
അജ്ഞാ പ്രജ്ഞാ പൂര്ണമനാശ്ചംദ്രമുഖ്യനുകൂലിനീ । വാവദൂകാ നിമ്നനാഭിഃ സത്യാ സംധ്യാ ദൃഢവ്രതാ ॥ 69 ॥
ആന്വീക്ഷികീ ദംഡനീതിസ്ത്രയീ ത്രിദിവസുംദരീ । ജ്വലിനീ ജ്വാലിനീ ശൈലതനയാ വിംധ്യവാസിനീ ॥ 70 ॥
അമേയാ ഖേചരീ ധൈര്യാ തുരീയാ വിമലാഽഽതുരാ । പ്രഗല്ഭാ വാരുണീ ഛായാ ശശിനീ വിസ്ഫുലിംഗിനീ ॥ 71 ॥
ഭുക്തിഃ സിദ്ധിഃ സദാപ്രാപ്തിഃ പ്രാകാമ്യാ മഹിമാഽണിമാ । ഇച്ഛാസിദ്ധിർവിസിദ്ധാ ച വശിത്വോര്ധ്വനിവാസിനീ ॥ 72 ॥
ലഘിമാ ചൈവ ഗായത്രീ സാവിത്രീ ഭുവനേശ്വരീ । മനോഹരാ ചിതാ ദിവ്യാ ദേവ്യുദാരാ മനോരമാ ॥ 73 ॥
പിംഗളാ കപിലാ ജിഹ്വാരസജ്ഞാ രസികാ രസാ । സുഷുമ്നേഡാ ഭോഗവതീ ഗാംധാരീ നരകാംതകാ ॥ 74 ॥
പാംചാലീ രുക്മിണീ രാധാരാധ്യാ ഭീമാധിരാധികാ । അമൃതാ തുലസീ വൃംദാ കൈടഭീ കപടേശ്വരീ ॥ 75 ॥
ഉഗ്രചംഡേശ്വരീ വീരാ ജനനീ വീരസുംദരീ । ഉഗ്രതാരാ യശോദാഖ്യാ ദൈവകീ ദേവമാനിതാ ॥ 76 ॥
നിരംജനാ ചിത്രദേവീ ക്രോധിനീ കുലദീപികാ । കുലവാഗീശ്വരീ വാണീ മാതൃകാ ദ്രാവിണീ ദ്രവാ ॥ 77 ॥
യോഗേശ്വരീ മഹാമാരീ ഭ്രാമരീ ബിംദുരൂപിണീ । ദൂതീ പ്രാണേശ്വരീ ഗുപ്താ ബഹുലാ ചമരീ പ്രഭാ ॥ 78 ॥
കുബ്ജികാ ജ്ഞാനിനീ ജ്യേഷ്ഠാ ഭുശുംഡീ പ്രകടാ തിഥിഃ । ദ്രവിണീ ഗോപനീ മായാ കാമബീജേശ്വരീ ക്രിയാ ॥ 79 ॥
ശാംഭവീ കേകരാ മേനാ മൂഷലാസ്ത്രാ തിലോത്തമാ । അമേയവിക്രമാ ക്രൂരാ സംപത്ശാലാ ത്രിലോചനാ ॥ 80 ॥
സ്വസ്തിര്ഹവ്യവഹാ പ്രീതിരുഷ്മാ ധൂമ്രാര്ചിരംഗദാ । തപിനീ താപിനീ വിശ്വാ ഭോഗദാ ധാരിണീ ധരാ ॥ 81 ॥
ത്രിഖംഡാ ബോധിനീ വശ്യാ സകലാ ശബ്ദരൂപിണീ । ബീജരൂപാ മഹാമുദ്രാ യോഗിനീ യോനിരൂപിണീ ॥ 82 ॥
അനംഗകുസുമാഽനംഗമേഖലാഽനംഗരൂപിണീ । വജ്രേശ്വരീ ച ജയിനീ സർവദ്വംദ്വക്ഷയംകരീ ॥ 83 ॥
ഷഡംഗയുവതീ യോഗയുക്താ ജ്വാലാംശുമാലിനീ । ദുരാശയാ ദുരാധാരാ ദുര്ജയാ ദുര്ഗരൂപിണീ ॥ 84 ॥
ദുരംതാ ദുഷ്കൃതിഹരാ ദുര്ധ്യേയാ ദുരതിക്രമാ । ഹംസേശ്വരീ ത്രികോണസ്ഥാ ശാകംഭര്യനുകംപിനീ ॥ 85 ॥
ത്രികോണനിലയാ നിത്യാ പരമാമൃതരംജിതാ । മഹാവിദ്യേശ്വരീ ശ്വേതാ ഭേരുംഡാ കുലസുംദരീ ॥ 86 ॥
ത്വരിതാ ഭക്തിസംസക്താ ഭക്തവശ്യാ സനാതനീ । ഭക്താനംദമയീ ഭക്തഭാവികാ ഭക്തശംകരീ ॥ 87 ॥
സർവസൌംദര്യനിലയാ സർവസൌഭാഗ്യശാലിനീ । സർവസംഭോഗഭവനാ സർവസൌഖ്യനിരൂപിണീ ॥ 88 ॥
കുമാരീപൂജനരതാ കുമാരീവ്രതചാരിണീ । കുമാരീഭക്തിസുഖിനീ കുമാരീരൂപധാരിണീ ॥ 89 ॥
കുമാരീപൂജകപ്രീതാ കുമാരീപ്രീതിദാ പ്രിയാ । കുമാരീസേവകാസംഗാ കുമാരീസേവകാലയാ ॥ 90 ॥
ആനംദഭൈരവീ ബാലഭൈരവീ ബടുഭൈരവീ । ശ്മശാനഭൈരവീ കാലഭൈരവീ പുരഭൈരവീ ॥ 91 ॥
മഹാഭൈരവപത്നീ ച പരമാനംദഭൈരവീ । സുധാനംദഭൈരവീ ച ഉന്മാദാനംദഭൈരവീ ॥ 92 ॥
മുക്താനംദഭൈരവീ ച തഥാ തരുണഭൈരവീ । ജ്ഞാനാനംദഭൈരവീ ച അമൃതാനംദഭൈരവീ ॥ 93 ॥
മഹാഭയംകരീ തീവ്രാ തീവ്രവേഗാ തപസ്വിനീ । ത്രിപുരാ പരമേശാനീ സുംദരീ പുരസുംദരീ ॥ 94 ॥
ത്രിപുരേശീ പംചദശീ പംചമീ പുരവാസിനീ । മഹാസപ്തദശീ ചൈവ ഷോഡശീ ത്രിപുരേശ്വരീ ॥ 95 ॥
മഹാംകുശസ്വരൂപാ ച മഹാചക്രേശ്വരീ തഥാ । നവചക്രേശ്വരീ ചക്രേശ്വരീ ത്രിപുരമാലിനീ ॥ 96 ॥
രാജരാജേശ്വരീ ധീരാ മഹാത്രിപുരസുംദരീ । സിംദൂരപൂരരുചിരാ ശ്രീമത്ത്രിപുരസുംദരീ ॥ 97 ॥
സർവാംഗസുംദരീ രക്താരക്തവസ്ത്രോത്തരീയിണീ । ജവായാവകസിംദൂരരക്തചംദനധാരിണീ ॥ 98 ॥
ജവായാവകസിംദൂരരക്തചംദനരൂപധൃക് । ചാമരീ ബാലകുടിലനിര്മലാ ശ്യാമകേശിനീ ॥ 99 ॥
വജ്രമൌക്തികരത്നാഢ്യാ കിരീടമുകുടോജ്ജ്വലാ । രത്നകുംഡലസംയുക്തസ്ഫുരദ്ഗംഡമനോരമാ ॥ 100 ॥
കുംജരേശ്വരകുംഭോത്ഥമുക്താരംജിതനാസികാ । മുക്താവിദ്രുമമാണിക്യഹാരാഢ്യസ്തനമംഡലാ ॥ 101 ॥
സൂര്യകാംതേംദുകാംതാഢ്യസ്പര്ശാശ്മകംഠഭൂഷണാ । ബീജപൂരസ്ഫുരദ്ബീജദംതപംക്തിരനുത്തമാ ॥ 102 ॥
കാമകോദംഡകാഭുഗ്നഭ്രൂകടാക്ഷപ്രവര്ഷിണീ । മാതംഗകുംഭവക്ഷോജാ ലസത്കോകനദേക്ഷണാ ॥ 103 ॥
മനോജ്ഞശഷ്കുലീകര്ണാ ഹംസീഗതിവിഡംബിനീ । പദ്മരാഗാംഗദജ്യോതിര്ദോശ്ചതുഷ്കപ്രകാശിനീ ॥ 104 ॥
നാനാമണിപരിസ്ഫൂര്ജച്ഛുദ്ധകാംചനകംകണാ । നാഗേംദ്രദംതനിര്മാണവലയാംകിതപാണിനീ ॥ 105 ॥
അംഗുരീയകചിത്രാംഗീ വിചിത്രക്ഷുദ്രഘംടികാ । പട്ടാംബരപരീധാനാ കലമംജീരശിംജിനീ ॥ 106 ॥
കര്പൂരാഗരുകസ്തൂരീകുംകുമദ്രവലേപിതാ । വിചിത്രരത്നപൃഥിവീകല്പശാഖിതലസ്ഥിതാ ॥ 107 ॥
രത്നദ്വീപസ്ഫുരദ്രത്നസിംഹാസനവിലാസിനീ । ഷട്ചക്രഭേദനകരീ പരമാനംദരൂപിണീ ॥ 108 ॥
സഹസ്രദളപദ്മാംതശ്ചംദ്രമംഡലവര്തിനീ । ബ്രഹ്മരൂപാ ശിവക്രോഡാ നാനാസുഖവിലാസിനീ ॥ 109 ॥
ഹരവിഷ്ണുവിരിംചീംദ്രഗ്രഹനായകസേവിതാ । ശിവാ ശൈവാ ച രുദ്രാണീ തഥൈവ ശിവവാദിനീ ॥ 110 ॥
മാതംഗിനീ ശ്രീമതീ ച തഥൈവാനംഗമേഖലാ । ഡാകിനീ യോഗിനീ ചൈവ തഥോപയോഗിനീ മതാ ॥ 111 ॥
മാഹേശ്വരീ വൈഷ്ണവീ ച ഭ്രാമരീ ശിവരൂപിണീ । അലംബുഷാ വേഗവതീ ക്രോധരൂപാ സുമേഖലാ ॥ 112 ॥
ഗാംധാരീ ഹസ്തജിഹ്വാ ച ഇഡാ ചൈവ ശുഭംകരീ । പിംഗളാ ബ്രഹ്മദൂതീ ച സുഷുമ്നാ ചൈവ ഗംധിനീ ॥ 113 ॥
ആത്മയോനിര്ബ്രഹ്മയോനിര്ജഗദ്യോനിരയോനിജാ । ഭഗരൂപാ ഭഗസ്ഥാത്രീ ഭഗിനീ ഭഗരൂപിണീ ॥ 114 ॥
ഭഗാത്മികാ ഭഗാധാരരൂപിണീ ഭഗമാലിനീ । ലിംഗാഖ്യാ ചൈവ ലിംഗേശീ ത്രിപുരാ ഭൈരവീ തഥാ ॥ 115 ॥
ലിംഗഗീതിഃ സുഗീതിശ്ച ലിംഗസ്ഥാ ലിംഗരൂപധൃക് । ലിംഗമാനാ ലിംഗഭവാ ലിംഗലിംഗാ ച പാർവതീ ॥ 116 ॥
ഭഗവതീ കൌശികീ ച പ്രേമാ ചൈവ പ്രിയംവദാ । ഗൃധ്രരൂപാ ശിവാരൂപാ ചക്രിണീ ചക്രരൂപധൃക് ॥ 117 ॥
ലിംഗാഭിധായിനീ ലിംഗപ്രിയാ ലിംഗനിവാസിനീ । ലിംഗസ്ഥാ ലിംഗനീ ലിംഗരൂപിണീ ലിംഗസുംദരീ ॥ 118 ॥
ലിംഗഗീതിര്മഹാപ്രീതാ ഭഗഗീതിര്മഹാസുഖാ । ലിംഗനാമസദാനംദാ ഭഗനാമസദാഗതിഃ ॥ 119 ॥
ലിംഗമാലാകംഠഭൂഷാ ഭഗമാലാവിഭൂഷണാ । ഭഗലിംഗാമൃതപ്രീതാ ഭഗലിംഗസ്വരൂപിണീ ॥ 120 ॥
ഭഗലിംഗസ്യ രൂപാ ച ഭഗലിംഗസുഖാവഹാ । സ്വയംഭൂകുസുമപ്രീതാ സ്വയംഭൂകുസുമാര്ചിതാ ॥ 121 ॥
സ്വയംഭൂകുസുമപ്രാണാ സ്വയംഭൂപുഷ്പതര്പിതാ । സ്വയംഭൂപുഷ്പഘടിതാ സ്വയംഭൂപുഷ്പധാരിണീ ॥ 122 ॥
സ്വയംഭൂപുഷ്പതിലകാ സ്വയംഭൂപുഷ്പചര്ചിതാ । സ്വയംഭൂപുഷ്പനിരതാ സ്വയംഭൂകുസുമഗ്രഹാ ॥ 123 ॥
സ്വയംഭൂപുഷ്പയജ്ഞാംശാ സ്വയംഭൂകുസുമാത്മികാ । സ്വയംഭൂപുഷ്പനിചിതാ സ്വയംഭൂകുസുമപ്രിയാ ॥ 124 ॥
സ്വയംഭൂകുസുമാദാനലാലസോന്മത്തമാനസാ । സ്വയംഭൂകുസുമാനംദലഹരീസ്നിഗ്ധദേഹിനീ ॥ 125 ॥
സ്വയംഭൂകുസുമാധാരാ സ്വയംഭൂകുസുമാകുലാ । സ്വയംഭൂപുഷ്പനിലയാ സ്വയംഭൂപുഷ്പവാസിനീ ॥ 126 ॥
സ്വയംഭൂകുസുമസ്നിഗ്ധാ സ്വയംഭൂകുസുമാത്മികാ । സ്വയംഭൂപുഷ്പകരിണീ സ്വയംഭൂപുഷ്പവാണികാ ॥ 127 ॥
സ്വയംഭൂകുസുമധ്യാനാ സ്വയംഭൂകുസുമപ്രഭാ । സ്വയംഭൂകുസുമജ്ഞാനാ സ്വയംഭൂപുഷ്പഭാഗിനീ ॥ 128 ॥
സ്വയംഭൂകുസുമോല്ലാസാ സ്വയംഭൂപുഷ്പവര്ഷിണീ । സ്വയംഭൂകുസുമോത്സാഹാ സ്വയംഭൂപുഷ്പരൂപിണീ ॥ 129 ॥
സ്വയംഭൂകുസുമോന്മാദാ സ്വയംഭൂപുഷ്പസുംദരീ । സ്വയംഭൂകുസുമാരാധ്യാ സ്വയംഭൂകുസുമോദ്ഭവാ ॥ 130 ॥
സ്വയംഭൂകുസുമാവ്യഗ്രാ സ്വയംഭൂപുഷ്പപൂര്ണിതാ । സ്വയംഭൂപൂജകപ്രാജ്ഞാ സ്വയംഭൂഹോതൃമാതൃകാ ॥ 131 ॥
സ്വയംഭൂദാതൃരക്ഷിത്രീ സ്വയംഭൂരക്തതാരികാ । സ്വയംഭൂപൂജകഗ്രസ്താ സ്വയംഭൂപൂജകപ്രിയാ ॥ 132 ॥
സ്വയംഭൂവംദകാധാരാ സ്വയംഭൂനിംദകാംതകാ । സ്വയംഭൂപ്രദസർവസ്വാ സ്വയംഭൂപ്രദപുത്രിണീ ॥ 133 ॥
സ്വയംഭൂപ്രദസസ്മേരാ സ്വയംഭൂതശരീരിണീ । സർവകാലോദ്ഭവപ്രീതാ സർവകാലോദ്ഭവാത്മികാ ॥ 134 ॥
സർവകാലോദ്ഭവോദ്ഭാവാ സർവകാലോദ്ഭവോദ്ഭവാ । കുംഡപുഷ്പസദാപ്രീതാ കുംഡപുഷ്പസദാരതിഃ ॥ 135 ॥
കുംഡഗോലോദ്ഭവപ്രാണാ കുംഡഗോലോദ്ഭവാത്മികാ । സ്വയംഭൂർവാ ശിവാ ധാത്രീ പാവനീ ലോകപാവനീ ॥ 136 ॥
കീര്തിര്യശസ്വിനീ മേധാ വിമേധാ ശുക്രസുംദരീ । അശ്വിനീ കൃത്തികാ പുഷ്യാ തേജസ്കാ ചംദ്രമംഡലാ ॥ 137 ॥
സൂക്ഷ്മാഽസൂക്ഷ്മാ ബലാകാ ച വരദാ ഭയനാശിനീ । വരദാഽഭയദാ ചൈവ മുക്തിബംധവിനാശിനീ ॥ 138 ॥
കാമുകാ കാമദാ കാംതാ കാമാഖ്യാ കുലസുംദരീ । ദുഃഖദാ സുഖദാ മോക്ഷാ മോക്ഷദാര്ഥപ്രകാശിനീ ॥ 139 ॥
ദുഷ്ടാദുഷ്ടമതിശ്ചൈവ സർവകാര്യവിനാശിനീ । ശുക്രാധാരാ ശുക്രരൂപാ ശുക്രസിംധുനിവാസിനീ ॥ 140 ॥
ശുക്രാലയാ ശുക്രഭോഗാ ശുക്രപൂജാസദാരതിഃ । ശുക്രപൂജ്യാ ശുക്രഹോമസംതുഷ്ടാ ശുക്രവത്സലാ ॥ 141 ॥
ശുക്രമൂര്തിഃ ശുക്രദേഹാ ശുക്രപൂജകപുത്രിണീ । ശുക്രസ്ഥാ ശുക്രിണീ ശുക്രസംസ്പൃഹാ ശുക്രസുംദരീ ॥ 142 ॥
ശുക്രസ്നാതാ ശുക്രകരീ ശുക്രസേവ്യാഽതിശുക്രിണീ । മഹാശുക്രാ ശുക്രഭവാ ശുക്രവൃഷ്ടിവിധായിനീ ॥ 143 ॥
ശുക്രാഭിധേയാ ശുക്രാര്ഹാ ശുക്രവംദകവംദിതാ । ശുക്രാനംദകരീ ശുക്രസദാനംദാഭിധായികാ ॥ 144 ॥
ശുക്രോത്സവാ സദാശുക്രപൂര്ണാ ശുക്രമനോരമാ । ശുക്രപൂജകസർവസ്വാ ശുക്രനിംദകനാശിനീ ॥ 145 ॥
ശുക്രാത്മികാ ശുക്രസംവത് ശുക്രാകര്ഷണകാരിണീ । ശാരദാ സാധകപ്രാണാ സാധകാസക്തമാനസാ ॥ 146 ॥
സാധകോത്തമസർവസ്വാ സാധകാഭക്തരക്തപാ । സാധകാനംദസംതോഷാ സാധകാനംദകാരിണീ ॥ 147 ॥
ആത്മവിദ്യാ ബ്രഹ്മവിദ്യാ പരബ്രഹ്മസ്വരൂപിണീ । ത്രികൂടസ്ഥാ പംചകൂടാ സർവകൂടശരീരിണീ ॥ 148 ॥
സർവവര്ണമയീ വര്ണജപമാലാവിധായിനീ । ഇതി ശ്രീകാളികാനാമസഹസ്രം ശിവഭാഷിതമ് ॥ 149 ॥
ഗുഹ്യാദ്ഗുഹ്യതരം സാക്ഷാന്മഹാപാതകനാശനമ് । പൂജാകാലേ നിശീഥേ ച സംധ്യയോരുഭയോരപി ॥ 150 ॥
ലഭതേ ഗാണപത്യം സ യഃ പഠേത് സാധകോത്തമഃ । യഃ പഠേത് പാഠയേദ്വാപി ശൃണോതി ശ്രാവയേദപി ॥ 151 ॥
സർവപാപവിനിര്മുക്തഃ സ യാതി കാളികാപുരമ് । ശ്രദ്ധയാഽശ്രദ്ധയാ വാപി യഃ കശ്ചിന്മാനവഃ സ്മരേത് ॥ 152 ॥
ദുര്ഗം ദുര്ഗശതം തീര്ത്വാ സ യാതി പരമാംഗതിമ് । വംധ്യാ വാ കാകവംധ്യാ വാ മൃതവത്സാ ച യാംഗനാ ॥ 153 ॥
ശ്രുത്വാ സ്തോത്രമിദം പുത്രാന് ലഭതേ ചിരജീവിനഃ । യം യം കാമയതേ കാമം പഠന് സ്തോത്രമനുത്തമമ് । ദേവീപാദപ്രസാദേന തത്തദാപ്നോതി നിശ്ചിതമ് ॥ 154 ॥
ഇതി ശ്രീകാളികാകുലസർവസ്വേ ഹരപരശുരാമസംവാദേ ശ്രീ കാളികാ സഹസ്രനാമ സ്തോത്രമ് ।
Browse Related Categories: