श्री पंचायुध स्तोत्रम्

ಸ್ಫುರತ್ಸಹಸ್ರಾರಶಿಖಾತಿತೀವ್ರಂ ಸುದರ್ಶನಂ ಭಾಸ್ಕರಕೋಟಿತುಲ್ಯಮ್ । ಸುರದ್ವಿಷಾಂ ಪ್ರಾಣವಿನಾಶಿ ವಿಷ್ಣೋಃ ಚಕ್ರಂ ಸದಾಽಹಂ ಶರಣಂ ಪ್ರಪದ್ಯೇ ॥ 1 ॥

ವಿಷ್ಣೋರ್ಮುಖೋತ್ಥಾನಿಲಪೂರಿತಸ್ಯ ಯಸ್ಯ ಧ್ವನಿರ್ದಾನವದರ್ಪಹಂತಾ । ತಂ ಪಾಂಚಜನ್ಯಂ ಶಶಿಕೋಟಿಶುಭ್ರಂ ಶಂಖಂ ಸದಾಽಹಂ ಶರಣಂ ಪ್ರಪದ್ಯೇ ॥ 2 ॥

ಹಿರಣ್ಮಯೀಂ ಮೇರುಸಮಾನಸಾರಾಂ ಕೌಮೋದಕೀಂ ದೈತ್ಯಕುಲೈಕಹಂತ್ರೀಮ್ । ವೈಕುಂಠವಾಮಾಗ್ರಕರಾಗ್ರಮೃಷ್ಟಾಂ ಗದಾಂ ಸದಾಽಹಂ ಶರಣಂ ಪ್ರಪದ್ಯೇ ॥ 3 ॥

ಯಜ್ಜ್ಯಾನಿನಾದಶ್ರವಣಾತ್ಸುರಾಣಾಂ ಚೇತಾಂಸಿ ನಿರ್ಮುಕ್ತಭಯಾನಿ ಸದ್ಯಃ । ಭವಂತಿ ದೈತ್ಯಾಶನಿಬಾಣವರ್ಷೈಃ ಶಾರ್ಙ್ಗಂ ಸದಾಽಹಂ ಶರಣಂ ಪ್ರಪದ್ಯೇ ॥ 4 ॥

ರಕ್ಷೋಽಸುರಾಣಾಂ ಕಠಿನೋಗ್ರಕಂಠ- -ಚ್ಛೇದಕ್ಷರತ್‍ಕ್ಷೋಣಿತ ದಿಗ್ಧಸಾರಮ್ । ತಂ ನಂದಕಂ ನಾಮ ಹರೇಃ ಪ್ರದೀಪ್ತಂ ಖಡ್ಗಂ ಸದಾಽಹಂ ಶರಣಂ ಪ್ರಪದ್ಯೇ ॥ 5 ॥

ಇಮಂ ಹರೇಃ ಪಂಚಮಹಾಯುಧಾನಾಂ ಸ್ತವಂ ಪಠೇದ್ಯೋಽನುದಿನಂ ಪ್ರಭಾತೇ । ಸಮಸ್ತ ದುಃಖಾನಿ ಭಯಾನಿ ಸದ್ಯಃ ಪಾಪಾನಿ ನಶ್ಯಂತಿ ಸುಖಾನಿ ಸಂತಿ ॥ 6 ॥

ವನೇ ರಣೇ ಶತ್ರು ಜಲಾಗ್ನಿಮಧ್ಯೇ ಯದೃಚ್ಛಯಾಪತ್ಸು ಮಹಾಭಯೇಷು । ಪಠೇತ್ವಿದಂ ಸ್ತೋತ್ರಮನಾಕುಲಾತ್ಮಾ ಸುಖೀಭವೇತ್ತತ್ಕೃತ ಸರ್ವರಕ್ಷಃ ॥ 7 ॥

ಸಚಕ್ರಶಂಖಂ ಸಗದಾಸಿಶಾರ್ಙ್ಗಂ [ಯಚ್ಚಕ್ರಶಂಖಂ ಗದಖಡ್ಗಶಾರಂಗಿಣಂ] ಪೀತಾಂಬರಂ ಕೌಸ್ತುಭ-ವತ್ಸ-ಚಿಹ್ನಮ್ । [ಕೌಸ್ತುಭ-ವತ್ಸ-ಲಾಂಛಿತಂ] ಶ್ರಿಯಾ ಸಮೇತೋಜ್ಜ್ವಲ ಶೋಭಿತಾಂಗಂ ವಿಷ್ಣುಂ ಸದಾಽಹಂ ಶರಣಂ ಪ್ರಪದ್ಯೇ ॥