विदुर नीति - उद्योग पर्वम्, अध्यायः 37

tānēvindrasya hi dhanuranāmyaṃ namatō'bravīt । athō marīchinaḥ pādānanāmyānnamatastathā ॥ 2॥

yaśchāśiṣyaṃ śāsati yaś cha kupyatē yaśchātivēlaṃ bhajatē dviṣantam । striyaścha yō'rakṣati bhadramastu tē yaśchāyāchyaṃ yāchati yaś cha katthatē ॥ 3॥

yaśchābhijātaḥ prakarōtyakāryaṃ yaśchābalō balinā nityavairī । aśraddadhānāya cha yō bravīti yaśchākāmyaṃ kāmayatē narēndra ॥ 4॥

vadhvā hāsaṃ śvaśurō yaś cha manyatē vadhvā vasannuta yō mānakāmaḥ । parakṣētrē nirvapati yaścha bījaṃ striyaṃ cha yaḥ parivadatē'tivēlam ॥ 5॥

yaśchaiva labdhvā na smarāmītyuvācha

dattvā cha yaḥ katthati yāchyamānaḥ । yaśchāsataḥ sāntvamupāsatīha ētē'nuyāntyanilaṃ pāśahastāḥ ॥ 6

yasminyathā vartatē yō manuṣyas tasmiṃstathā vartitavyaṃ sa dharmaḥ । māyāchārō māyayā vartitavyaḥ sādhvāchāraḥ sādhunā pratyudēyaḥ ॥ 7॥

dhṛtarāṣṭra uvācha

śatāyuruktaḥ puruṣaḥ sarvavēdēṣu vai yadā । nāpnōtyatha cha tatsarvamāyuḥ kēnēha hētunā ॥ 8॥

vidura uvācha

ativādō'timānaścha tathātyāgō narādhipaḥ । krōdhaśchātivivitsā cha mitradrōhaścha tāni ṣaṭ ॥ 9॥

ēta ēvāsayastīkṣṇāḥ kṛntantyāyūṃṣi dēhinām । ētāni mānavānghnanti na mṛtyurbhadramastu tē ॥ 10॥

viśvastasyaiti yō dārānyaśchāpi guru takpagaḥ । vṛṣalī patirdvijō yaścha pānapaśchaiva bhārata ॥ 11॥

śaraṇāgatahā chaiva sarvē brahmahaṇaiḥ samāḥ । ētaiḥ samētya kartavyaṃ prāyaśchittamiti śrutiḥ ॥ 12॥

gṛhī vadānyō'napaviddha vākyaḥ śēṣānna bhōkāpyavihiṃsakaś cha । nānarthakṛttyaktakaliḥ kṛtajñaḥ satyō mṛduḥ svargamupaiti vidvān ॥ 13॥

sulabhāḥ puruṣā rājansatataṃ priyavādinaḥ । apriyasya tu pathyasya vaktā śrōtā cha durlabhaḥ ॥ 14॥

yō hi dharmaṃ vyapāśritya hitvā bhartuḥ priyāpriyē । apriyāṇyāha pathyāni tēna rājā sahāyavān ॥ 15॥

tyajētkulārthē puruṣaṃ grāmasyārthē kulaṃ tyajēt । grāmaṃ janapadasyārthē ātmārthē pṛthivīṃ tyajēt ॥ 16॥

āpadarthaṃ dhanaṃ rakṣēddārānrakṣēddhanairapi । ātmānaṃ satataṃ rakṣēddārairapi dhanairapi ॥ 17॥

uktaṃ mayā dyūtakālē'pi rājan naivaṃ yuktaṃ vachanaṃ prātipīya । tadauṣadhaṃ pathyamivāturasya na rōchatē tava vaichitra vīrya ॥ 18॥

kākairimāṃśchitrabarhānmayūrān parājaiṣṭhāḥ pāṇḍavāndhārtarāṣṭraiḥ । hitvā siṃhānkrōṣṭu kāngūhamānaḥ prāptē kālē śōchitā tvaṃ narēndra ॥ 19॥

yastāta na krudhyati sarvakālaṃ bhṛtyasya bhaktasya hitē ratasya । tasminbhṛtyā bhartari viśvasanti na chainamāpatsu parityajanti ॥ 20॥

na bhṛtyānāṃ vṛtti saṃrōdhanēna bāhyaṃ janaṃ sañjighṛkṣēdapūrvam । tyajanti hyēnamuchitāvaruddhāḥ snigdhā hyamātyāḥ parihīnabhōgāḥ ॥ 21॥

kṛtyāni pūrvaṃ parisaṅkhyāya sarvāṇy āyavyayāvanurūpāṃ cha vṛttim । saṅgṛhṇīyādanurūpānsahāyān sahāyasādhyāni hi duṣkarāṇi ॥ 22॥

abhiprāyaṃ yō viditvā tu bhartuḥ sarvāṇi kāryāṇi karōtyatandrīḥ । vaktā hitānāmanurakta āryaḥ śaktijña ātmēva hi sō'nukampyaḥ ॥ 23॥

vākyaṃ tu yō nādriyatē'nuśiṣṭaḥ pratyāha yaśchāpi niyujyamānaḥ । prajñābhimānī pratikūlavādī tyājyaḥ sa tādṛktvarayaiva bhṛtyaḥ ॥ 24॥

astabdhamaklībamadīrghasūtraṃ sānukrōśaṃ ślakṣṇamahāryamanyaiḥ । arōga jātīyamudāravākyaṃ dūtaṃ vadantyaṣṭa guṇōpapannam ॥ 25॥

na viśvāsājjātu parasya gēhaṃ gachChēnnaraśchētayānō vikālē । na chatvarē niśi tiṣṭhēnnigūḍhō na rājanyāṃ yōṣitaṃ prārthayīta ॥ 26॥

na nihnavaṃ satra gatasya gachChēt saṃsṛṣṭa mantrasya kusaṅgatasya । na cha brūyānnāśvasāmi tvayīti sa kāraṇaṃ vyapadēśaṃ tu kuryāt ॥ 27॥

ghṛṇī rājā puṃśchalī rājabhṛtyaḥ putrō bhrātā vidhavā bāla putrā । sēnā jīvī chōddhṛta bhakta ēva vyavahārē vai varjanīyāḥ syurētē ॥ 28॥

guṇā daśa snānaśīlaṃ bhajantē balaṃ rūpaṃ svaravarṇapraśuddhiḥ । sparśaścha gandhaścha viśuddhatā cha śrīḥ saukumāryaṃ pravarāścha nāryaḥ ॥ 29॥

guṇāścha ṣaṇmitabhuktaṃ bhajantē ārōgyamāyuścha sukhaṃ balaṃ cha । anāvilaṃ chāsya bhavēdapatyaṃ na chainamādyūna iti kṣipanti ॥ 30॥

akarma śīlaṃ cha mahāśanaṃ cha lōkadviṣṭaṃ bahu māyaṃ nṛśaṃsam । adēśakālajñamaniṣṭa vēṣam ētāngṛhē na prativāsayīta ॥ 31॥

kadaryamākrōśakamaśrutaṃ cha varāka sambhūtamamānya māninam । niṣṭhūriṇaṃ kṛtavairaṃ kṛtaghnam ētānbhṛtārtō'pi na jātu yāchēt ॥ 32॥

saṅkliṣṭakarmāṇamatipravādaṃ nityānṛtaṃ chādṛḍha bhaktikaṃ cha । vikṛṣṭarāgaṃ bahumāninaṃ chāpy ētānna sēvēta narādhamānṣaṭ ॥ 33॥

sahāyabandhanā hyarthāḥ sahāyāśchārthabandhanāḥ । anyōnyabandhanāvētau vinānyōnyaṃ na sidhyataḥ ॥ 34॥

utpādya putrānanṛṇāṃścha kṛtvā vṛttiṃ cha tēbhyō'nuvidhāya kāṃ chit । sthānē kumārīḥ pratipādya sarvā araṇyasaṃsthō munivadbubhūṣēt ॥ 35॥

hitaṃ yatsarvabhūtānāmātmanaścha sukhāvaham । tatkuryādīśvarō hyētanmūlaṃ dharmārthasiddhayē ॥ 36॥

buddhiḥ prabhāvastējaścha sattvamutthānamēva cha । vyavasāyaścha yasya syāttasyāvṛtti bhayaṃ kutaḥ ॥ 37॥

paśya dōṣānpāṇḍavairvigrahē tvaṃ yatra vyathērannapi dēvāḥ sa śakrāḥ । putrairvairaṃ nityamudvignavāsō yaśaḥ praṇāśō dviṣatāṃ cha harṣaḥ ॥ 38॥

bhīṣmasya kōpastava chēndra kalpa drōṇasya rājñaścha yudhiṣṭhirasya । utsādayēllōkamimaṃ pravṛddhaḥ śvētō grahastiryagivāpatankhē ॥ 39॥

tava putraśataṃ chaiva karṇaḥ pañcha cha pāṇḍavāḥ । pṛthivīmanuśāsēyurakhilāṃ sāgarāmbarām ॥ 40॥

dhārtarāṣṭrā vanaṃ rājanvyāghrāḥ pāṇḍusutā matāḥ । mā vanaṃ Chindhi sa vyāghraṃ mā vyāghrānnīnaśō vanāt ॥ 41॥

na syādvanamṛtē vyāghrānvyāghrā na syurṛtē vanam । vanaṃ hi rakṣyatē vyāghrairvyāghrānrakṣati kānanam ॥ 42॥

na tathēchChantyakalyāṇāḥ parēṣāṃ vēdituṃ guṇān । yathaiṣāṃ jñātumichChanti nairguṇyaṃ pāpachētasaḥ ॥ 43॥

arthasiddhiṃ parāmichChandharmamēvāditaś charēt । na hi dharmādapaityarthaḥ svargalōkādivāmṛtam ॥ 44॥

yasyātmā virataḥ pāpātkalyāṇē cha nivēśitaḥ । tēna sarvamidaṃ buddhaṃ prakṛtirvikṛtirścha yā ॥ 45॥

yō dharmamarthaṃ kāmaṃ cha yathākālaṃ niṣēvatē । dharmārthakāmasaṃyōgaṃ yō'mutrēha cha vindati ॥ 46॥

sanniyachChati yō vēgamutthitaṃ krōdhaharṣayōḥ । sa śriyō bhājanaṃ rājanyaśchāpatsu na muhyati ॥ 47॥

balaṃ pañcha vidhaṃ nityaṃ puruṣāṇāṃ nibōdha mē । yattu bāhubalaṃ nāma kaniṣṭhaṃ balamuchyatē ॥ 48॥

amātyalābhō bhadraṃ tē dvitīyaṃ balamuchyatē । dhanalābhastṛtīyaṃ tu balamāhurjigīṣavaḥ ॥ 49॥

yattvasya sahajaṃ rājanpitṛpaitāmahaṃ balam । abhijāta balaṃ nāma tachchaturthaṃ balaṃ smṛtam ॥ 50॥

yēna tvētāni sarvāṇi saṅgṛhītāni bhārata । yadbalānāṃ balaṃ śrēṣṭhaṃ tatprajñā balamuchyatē ॥ 51॥

mahatē yō'pakārāya narasya prabhavēnnaraḥ । tēna vairaṃ samāsajya dūrasthō'smīti nāśvasēt ॥ 52॥

strīṣu rājasu sarpēṣu svādhyāyē śatrusēviṣu । bhōgē chāyuṣi viśvāsaṃ kaḥ prājñaḥ kartumarhati ॥ 53॥

prajñā śarēṇābhihatasya jantōś chikitsakāḥ santi na chauṣadhāni । na hōmamantrā na cha maṅgalāni nātharvaṇā nāpyagadāḥ susiddhāḥ ॥ 54॥

sarpaśchāgniścha siṃhaścha kulaputraścha bhārata । nāvajñēyā manuṣyēṇa sarvē tē hyatitējasaḥ ॥ 55॥

agnistējō mahallōkē gūḍhastiṣṭhati dāruṣu । na chōpayuṅktē taddāru yāvannō dīpyatē paraiḥ ॥ 56॥

sa ēva khalu dārubhyō yadā nirmathya dīpyatē । tadā tachcha vanaṃ chānyannirdahatyāśu tējasā ॥ 57॥

ēvamēva kulē jātāḥ pāvakōpama tējasaḥ । kṣamāvantō nirākārāḥ kāṣṭhē'gniriva śēratē ॥ 58॥

latā dharmā tvaṃ saputraḥ śālāḥ pāṇḍusutā matāḥ । na latā vardhatē jātu mahādrumamanāśritā ॥ 59॥

vanaṃ rājaṃstvaṃ saputrō'mbikēya siṃhānvanē pāṇḍavāṃstāta viddhi । siṃhairvihīnaṃ hi vanaṃ vinaśyēt siṃhā vinaśyēyurṛtē vanēna ॥ 60॥

॥ iti śrīmahābhāratē udyōgaparvaṇi prajāgaraparvaṇi viduravākyē saptatriṃśō'dhyāyaḥ ॥ 37॥

Browse Related Categories: