Chanakya Neethi · Traditional devotional text · Source: vignanam.org (Traditional devotional text (public-domain shlokas))
ദാതൃത്വം പ്രിയവക്തൃത്വം ധീരത്വമുചിതജ്ഞതാ । അഭ്യാസേന ന ലഭ്യംതേ ചത്വാരഃ സഹജാ ഗുണാഃ ॥ 01 ॥
ആത്മവര്ഗം പരിത്യജ്യ പരവര്ഗം സമാശ്രയേത് । സ്വയമേവ ലയം യാതി യഥാ രാജാന്യധര്മതഃ ॥ 02 ॥
ഹസ്തീ സ്ഥൂലതനുഃ സ ചാംകുശവശഃ കിം ഹസ്തിമാത്രോഽംകുശോ ദീപേ പ്രജ്വലിതേ പ്രണശ്യതി തമഃ കിം ദീപമാത്രം തമഃ । വജ്രേണാപി ഹതാഃ പതംതി ഗിരയഃ കിം വജ്രമാത്രം നഗാ- സ്തേജോ യസ്യ വിരാജതേ സ ബലവാന്സ്ഥൂലേഷു കഃ പ്രത്യയഃ ॥ 03 ॥
കലൌ ദശസഹസ്രാണി ഹരിസ്ത്യജതി മേദിനീമ് । തദര്ധം ജാഹ്നവീതോയം തദര്ധം ഗ്രാമദേവതാഃ ॥ 04 ॥
ഗൃഹാസക്തസ്യ നോ വിദ്യാ നോ ദയാ മാംസഭോജിനഃ । ദ്രവ്യലുബ്ധസ്യ നോ സത്യം സ്ത്രൈണസ്യ ന പവിത്രതാ ॥ 05 ॥
ന ദുര്ജനഃ സാധുദശാമുപൈതി ബഹുപ്രകാരൈരപി ശിക്ഷ്യമാണഃ । ആമൂലസിക്തഃ പയസാ ഘൃതേന ന നിംബവൃക്ഷോ മധുരത്വമേതി ॥ 06 ॥
അംതര്ഗതമലോ ദുഷ്ടസ്തീര്ഥസ്നാനശതൈരപി । ന ശുധ്യതി യഥാ ഭാംഡം സുരായാ ദാഹിതം ച സത് ॥ 07 ॥
ന വേത്തി യോ യസ്യ ഗുണപ്രകര്ഷം സ തം സദാ നിംദതി നാത്ര ചിത്രമ് । യഥാ കിരാതീ കരികുംഭലബ്ധാം മുക്താം പരിത്യജ്യ ബിഭര്തി ഗുംജാമ് ॥ 08 ॥
Offered for worship and study, not as prediction. Non-commercial.
More devotional texts
യേ തു സംവത്സരം പൂര്ണം നിത്യം മൌനേന ഭുംജതേ । യുഗകോടിസഹസ്രം തൈഃ സ്വര്ഗലോകേ മഹീയതേ ॥ 09 ॥
കാമക്രോധൌ തഥാ ലോഭം സ്വാദുശഋംഗാരകൌതുകേ । അതിനിദ്രാതിസേവേ ച വിദ്യാര്ഥീ ഹ്യഷ്ട വര്ജയേത് ॥ 10 ॥
അകൃഷ്ടഫലമൂലേന വനവാസരതഃ സദാ । കുരുതേഽഹരഹഃ ശ്രാദ്ധമൃഷിർവിപ്രഃ സ ഉച്യതേ ॥ 11 ॥
ഏകാഹാരേണ സംതുഷ്ടഃ ഷട്കര്മനിരതഃ സദാ । ഋതുകാലാഭിഗാമീ ച സ വിപ്രോ ദ്വിജ ഉച്യതേ ॥ 12 ॥
ലൌകികേ കര്മണി രതഃ പശൂനാം പരിപാലകഃ । വാണിജ്യകൃഷികര്മാ യഃ സ വിപ്രോ വൈശ്യ ഉച്യതേ ॥ 13 ॥
ലാക്ഷാദിതൈലനീലീനാം കൌസുംഭമധുസര്പിഷാമ് । വിക്രേതാ മദ്യമാംസാനാം സ വിപ്രഃ ശൂദ്ര ഉച്യതേ ॥ 14 ॥
പരകാര്യവിഹംതാ ച ദാംഭികഃ സ്വാര്ഥസാധകഃ । ഛലീ ദ്വേഷീ മൃദുഃ ക്രൂരോ വിപ്രോ മാര്ജാര ഉച്യതേ ॥ 15 ॥
വാപീകൂപതഡാഗാനാമാരാമസുരവേശ്മനാമ് । ഉച്ഛേദനേ നിരാശംകഃ സ വിപ്രോ മ്ലേച്ഛ ഉച്യതേ ॥ 16 ॥
ദേവദ്രവ്യം ഗുരുദ്രവ്യം പരദാരാഭിമര്ശനമ് । നിർവാഹഃ സർവഭൂതേഷു വിപ്രശ്ചാംഡാല ഉച്യതേ ॥ 17 ॥
ദേയം ഭോജ്യധനം ധനം സുകൃതിഭിര്നോ സംചയസ്തസ്യ വൈ ശ്രീകര്ണസ്യ ബലേശ്ച വിക്രമപതേരദ്യാപി കീര്തിഃ സ്ഥിതാ । അസ്മാകം മധുദാനഭോഗരഹിതം നാഥം ചിരാത്സംചിതം നിർവാണാദിതി നൈജപാദയുഗലം ധര്ഷംത്യഹോ മക്ഷികാഃ ॥ 18 ॥
Browse Related Categories: