विदुर नीति - उद्योग पर्वम्, अध्यायः 40

mahāntamapyarthamadharmayuktaṃ yaḥ santyajatyanupākruṣṭa ēva । sukhaṃ sa duḥkhānyavamuchya śētē jīrṇāṃ tvachaṃ sarpa ivāvamuchya ॥ 2॥

anṛtaṃ cha samutkarṣē rājagāmi cha paiśunam । gurōśchālīka nirbandhaḥ samāni brahmahatyayā ॥ 3॥

asūyaika padaṃ mṛtyurativādaḥ śriyō vadhaḥ । aśuśrūṣā tvarā ślāghā vidyāyāḥ śatravastrayaḥ ॥ 4॥

sukhārthinaḥ kutō vidyā nāsti vidyārthinaḥ sukham । sukhārthī vā tyajēdvidyāṃ vidyārthī vā sukhaṃ tyajēt ॥ 5॥

nāgnistṛpyati kāṣṭhānāṃ nāpagānāṃ mahōdadhiḥ । nāntakaḥ sarvabhūtānāṃ na puṃsāṃ vāmalōchanā ॥ 6॥

āśā dhṛtiṃ hanti samṛddhimantakaḥ krōdhaḥ śriyaṃ hanti yaśaḥ kadaryatā । apālanaṃ hanti paśūṃścha rājann ēkaḥ kruddhō brāhmaṇō hanti rāṣṭram ॥ 7॥

ajaścha kāṃsyaṃ cha rathaścha nityaṃ madhvākarṣaḥ śakuniḥ śrōtriyaś cha । vṛddhō jñātiravasannō vayasya ētāni tē santu gṛhē sadaiva ॥ 8॥

ajōkṣā chandanaṃ vīṇā ādarśō madhusarpiṣī । viṣamaudumbaraṃ śaṅkhaḥ svarṇaṃ nābhiścha rōchanā ॥ 9॥

gṛhē sthāpayitavyāni dhanyāni manurabravīt । dēva brāhmaṇa pūjārthamatithīnāṃ cha bhārata ॥ 10॥

idaṃ cha tvāṃ sarvaparaṃ bravīmi puṇyaṃ padaṃ tāta mahāviśiṣṭam । na jātu kāmānna bhayānna lōbhād dharmaṃ tyajējjīvitasyāpi hētōḥ ॥ 11॥

nityō dharmaḥ sukhaduḥkhē tvanityē nityō jīvō dhāturasya tvanityaḥ । tyaktvānityaṃ pratitiṣṭhasva nityē santuṣya tvaṃ tōṣa parō hi lābhaḥ ॥ 12॥

mahābalānpaśya manānubhāvān praśāsya bhūmiṃ dhanadhānya pūrṇām । rājyāni hitvā vipulāṃścha bhōgān gatānnarēndrānvaśamantakasya ॥ 13॥

mṛtaṃ putraṃ duḥkhapuṣṭaṃ manuṣyā utkṣipya rājansvagṛhānnirharanti । taṃ muktakēśāḥ karuṇaṃ rudantaś chitāmadhyē kāṣṭhamiva kṣipanti ॥ 14॥

anyō dhanaṃ prētagatasya bhuṅktē vayāṃsi chāgniścha śarīradhātūn । dvābhyāmayaṃ saha gachChatyamutra puṇyēna pāpēna cha vēṣṭyamānaḥ ॥ 15॥

utsṛjya vinivartantē jñātayaḥ suhṛdaḥ sutāḥ । agnau prāstaṃ tu puruṣaṃ karmānvēti svayaṃ kṛtam ॥ 16॥

asmāllōkādūrdhvamamuṣya chādhō mahattamastiṣṭhati hyandhakāram । tadvai mahāmōhanamindriyāṇāṃ budhyasva mā tvāṃ pralabhēta rājan ॥ 17॥

idaṃ vachaḥ śakṣyasi chēdyathāvan niśamya sarvaṃ pratipattumēvam । yaśaḥ paraṃ prāpsyasi jīvalōkē bhayaṃ na chāmutra na chēha tē'sti ॥ 18॥

ātmā nadī bhārata puṇyatīrthā satyōdakā dhṛtikūlā damōrmiḥ । tasyāṃ snātaḥ pūyatē puṇyakarmā puṇyō hyātmā nityamambhō'mbha ēva ॥ 19॥

kāmakrōdhagrāhavatīṃ pañchēndriya jalāṃ nadīm । kṛtvā dhṛtimayīṃ nāvaṃ janma durgāṇi santara ॥ 20॥

prajñā vṛddhaṃ dharmavṛddhaṃ svabandhuṃ vidyā vṛddhaṃ vayasā chāpi vṛddham । kāryākāryē pūjayitvā prasādya yaḥ sampṛchChēnna sa muhyētkadā chit ॥ 21॥

dhṛtyā śiśnōdaraṃ rakṣētpāṇipādaṃ cha chakṣuṣā । chakṣuḥ śrōtrē cha manasā manō vāchaṃ cha karmaṇā ॥ 22॥

nityōdakī nityayajñōpavītī nityasvādhyāyī patitānna varjī । ṛtaṃ bruvanguravē karma kurvan na brāhmaṇaśchyavatē brahmalōkāt ॥ 23॥

adhītya vēdānparisaṃstīrya chāgnīn iṣṭvā yajñaiḥ pālayitvā prajāś cha । gōbrāhmaṇārthē śastrapūtāntarātmā hataḥ saṅgrāmē kṣatriyaḥ svargamēti ॥ 24॥

vaiśyō'dhītya brāhmaṇānkṣatriyāṃś cha dhanaiḥ kālē saṃvibhajyāśritāṃś cha । trētā pūtaṃ dhūmamāghrāya puṇyaṃ prētya svargē dēva sukhāni bhuṅktē ॥ 25॥

brahmakṣatraṃ vaiśya varṇaṃ cha śūdraḥ kramēṇaitānnyāyataḥ pūjayānaḥ । tuṣṭēṣvētēṣvavyathō dagdhapāpas tyaktvā dēhaṃ svargasukhāni bhuṅktē ॥ 26॥

chāturvarṇyasyaiṣa dharmastavōktō hētuṃ chātra bruvatō mē nibōdha । kṣātrāddharmāddhīyatē pāṇḍuputras taṃ tvaṃ rājanrājadharmē niyuṅkṣva ॥ 27॥

dhṛtarāṣṭra uvācha

ēvamētadyathā māṃ tvamanuśāsati nityadā । mamāpi cha matiḥ saumya bhavatyēvaṃ yathāttha mām ॥ 28॥

sā tu buddiḥ kṛtāpyēvaṃ pāṇḍavānrapti mē sadā । duryōdhanaṃ samāsādya punarviparivartatē ॥ 29॥

na diṣṭamabhyatikrāntuṃ śakyaṃ martyēna kēna chit । diṣṭamēva kṛtaṃ manyē pauruṣaṃ tu nirarthakam ॥ 30॥

॥ iti śrīmāhābhāratē udyōgaparvaṇi prajāgaraparvaṇi viduravākyē chatvāriṃśō'dhyāyaḥ ॥ 40॥

iti vidura nīti samāptā ॥

Browse Related Categories: